Naskah Khutbah Idul Adha 2022 Bahasa Sunda: Husnudzon ka Gusti Allah SWT

“Jeung geura kawinkeun jalma-jalma anu lalagasan ti antara maraneh, jeung abid-abid katut amat-amat milik maraneh anu sapantesna (kawin). Upama maranehna pakir, engke oge Allah ngajadikeun maranehna mampuh ku kajembaranana, jeung Allah teh Maha Jembar tur Maha Uninga." (Qs. An Nur:32)

Kaopat, mun aya kasusahan dina mancen kahirupan, pasti ku Allah bakal dibere kasenangan, ku Allah bakal leuwih loba dibere kasenangan tinimbang kasusahan. Tapi saratna, urang kudu bener-bener takwa ka Allah swt. Dawuh Allah dina Al-Qur’an

فَإِنَّ مَعَ ٱلْعُسْرِ يُسْرًا
إِنَّ مَعَ ٱلْعُسْرِ يُسْرًا

“Saenyana dina kasusah (rohani) teh aya kabungah, jeung saenyana dina karipuh (jasmani) aya kasenangan.” (Qs. Al-Insyirah: 5-6)

Baca Juga: 5 Makan Halal Khas Thailand, Penampilanya Menggugah Selera

Dina dua ayat di luhur netelakeun yen saenya satiap aya kasusah pasti aya kabungah.

Terus tingali deui dina surat al-Tholaq ayat 2 dugi 3.

وَمَن يَتَّقِ ٱللَّهَ يَجْعَل لَّهُۥ مَخْرَجًا
وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى ٱللَّهِ فَهُوَ حَسْبُهُۥ

“Sing saha anu takwa ka Allah, tanwande anjeuna ngayugakeun hiji jalan kaluar (bongbolongan) pikeun manehna. Jeung Anjeuna baris maparin rejeki kamanehna tina jalan anu heunteu disangka-sangka ku manehna.”

Dina ayat al-Tholaq ieu Allah ngajelaskeun yen urang bakal dibere solusi anu sae sarta bakal dibere rejeki anu cukup mun urang bener taqwana ka Allah swt.

Allahu Akbar 3x

Hadirian Rahimakumullah...

Kalima, mun urang gering kudu yakin yen Allah pasti bakal mere cager, sabab asalna gering oge teh ti Allah. Asal kudu rajin dumeuheus ka Allah kucara loba maca Quran, sakumaha pidawuh Allah:

وَنُنَزِّلُ مِنَ ٱلْقُرْءَانِ مَا هُوَ شِفَآءٌ وَرَحْمَةٌ لِّلْمُؤْمِنِينَ وَلَا يَزِيدُ ٱلظَّٰلِمِينَ إِلَّا خَسَارًا

“Jeung kami nurunken tina Quran saniskara anu jadi ubar jeung rahmat pikeun mu’minin,jeung (Qur’an teh) piken anu darolim mah henteu nambahan naon-naon salian ti karugian," (Qs. Al-Isro: 82)